CYDAG Cynradd

Mae Cymdeithas Ysgolion Dros Addysg Gymraeg (Cynradd) yn chwilio am berson i weithredu fel Swyddog Maes. Bydd y sawl a benodir yn atebol i’r pwyllgor gwaith ac yn hyrwyddo holl amcanion y gymdeithas gan gynnwys aelodaeth, trefnu cynadleddau a chyrsiau HMS a chysylltu ag asiantaethau addysg.

Bydd y swydd yn gofyn am rhwng 20 a 40 o ddyddiau yn ystod blwyddyn ysgol.

Gellir derbyn mwy o fanylion oddi wrth: Swyddog Gweinyddol CYDAG, Ysgol Penweddig, Aberystwyth SY23 3QN.

Gwahoddir ceisiadau trwy lythyr at Gadeirydd y Gymdeithas i’r cyfeiriad uchod i gyrraedd erbyn Dydd Mercher Mehefin 7fed 2006.

Ydych chi wedi cofrestru ar gyfer
y gynhadledd flynyddol eto ?

Mai 19eg yng Ngwesty Metropole,
Llandrindod

(Rhaglen a manylion ar waelod y dudalen hon)

CYDAG Cynradd - Cwrs: Y Cyfnod Sylfaen yn yr Ysgol Côd 05/06

Dyddiad: Dydd Gwener, Mehefin16 2006
yn Ysgol Morgan Llwyd, Wrecsam 9.15 – 3.15

Addas ar gyfer athrawesau a gweinyddesau cyfnod plentyndod cynnar, arweinyddion cwricwlaidd a phenaethiaid

Gall gweinyddesau ddod i’r cwrs fel ail enw o ysgol – gyda athrawes. Gweler cost isod.

Darparwyr: Siân Wyn Siencyn, Tania Morgans

Cynhelir y cwrs hwn mewn ymateb i amryw o geisiadau o ysgolion.

Siân Wyn Siencyn yw Pennaeth Addysg y Blynyddoedd Cynnar yng Ngholeg y Drindod a bu gyda ni sawl tro o’r blaen, ac y mae bob amser yn gwbl gadarn ei harweiniad ac yn ysbrydoli.
Athrawes yn Ysgol Pencader yw Tania Morgans, a bu’n cynnal gweithdai a chyrsiau i Awdurdod Caerfyrddin a grwpiau lleol o athrawon. Y mae enw da iddi fel athrawes ac arweinydd cyrsiau, gyda’i phwyslais ar yr hyn sy’n ymarferol bosib mewn ysgol.

Cynhaliwyd y cwrs hwn eisoes yng Nghaerfyrddin ac yr oedd pawb yn gytûn ei fod yn ddiwrnod gwych ac ysbrydoledig.

Rhaglen y dydd ( y mae’r amserau yn hyblyg)
9.15 – 9.30 Paned
9.30 – 10.45 Siân Wyn Siencyn: Y Cyfnod Sylfaen – Pam? Beth? Sut?
Edrych ar gefndir, cynnwys a gweithredu ysbryd y cwricwlwm
chwarae Sesiwn 1.
10.45 – 11.15 Coffi
11.15 – 12.30 Sesiwn 2 – fel uchod.
12.30 – 1.30 Cinio
1.30 – 3.00 Tania Morgans Gweithredu’r cwricwlwm yn yr ysgol.
3.00 – 3.15 Cloi

Cwrs Cydag Cynradd Côd 05/06 Y Cyfnod Sylfaen yn yr ysgol.

Dydd Gwener Mehefin 16 2006 yn Ysgol Morgan Llwyd, Wrecsam

Dymuna’r canlynol fynychu’r cwrs:

Enw/Enwau…………………………………………………………..

Ysgol: ………………………………………………………………….

Cost: £65 i’r enw cyntaf o bob ysgol, £50 i bob enw arall.

Anfonir cadarnhad, map lleoliad a rhestr aelodau cyn y cwrs, ond bydd anfon enwau yn gwarantu lle.

I’w dychwelyd at Meinir J Jones, Swyddog Gweinyddol CYDAG, Ysgol Penweddig, Aberystwyth SY23 3QN erbyn dydd Mercher Mehefin 7fed 2006 fan bellaf.

Os byddwch am geisio am grant ar gyfer y cwrs gan Gyngor Addysgu Cyffredinol Cymru, ewch i safle’r wê CYDAG i gael ffurflen neu anfonwch at:
Cyngor Addysgu Cyffredinol Cymru, 4ydd Llawr Southgate House, Wood
St, Caerdydd CF10 1EW.
 

Cwrs Addysg Gorfforol Côd: 04/06

Ysgol Gymraeg Pontardawe Dydd Gwener, Mehefin 9 2006

Addas ar gyfer cydlynwyr Addysg Gorfforol ac Athrawon CA1 a 2

Arweinydd: Gwyn Ellis
Graddiodd Gwyn Ellis mewn Addysg Gorfforol yng Ngholeg y Brifysgol Bangor a bu’n athro dosbarth a chydlynydd y pwnc mewn ysgolion cynradd cyn ei benodi yn bennaeth Ysgol Gynradd Llanystumdwy. Y mae’n athro cysylltiol ymgynghorol addysg gorfforol yng Ngwynedd, yn ymweld ag ysgolion, yn rhoi gwersi enghreifftiol ac yn cynnal cyrsiau yn ôl y galw. Bu hefyd ar secondiad diwrnod yr wythnos y llynedd yn Adran Addysg Coleg y Brifysgol Bangor. Cynhaliodd gwrs ardderchog i CYDAG yn yr Wyddgrug y llynedd, gan gynnwys rhoi gwers enghreifftiol gyda plant.

Cwrs Addysg Gorfforol Pontardawe Mehefin 9fed 2006 Côd 04/06
Dymuna’r canlynol fynychu’r cwrs:
Enw/Enwau…………………………………………………………..

Ysgol: ………………………………………………………………….

Cost: £65 Cyntaf i’r felin fydd hi gan y bydd raid cyfyngu ar y nifer
Anfonir cadarnhad, map lleoliad a rhestr aelodau cyn y cwrs.

I’w dychwelyd at Meinir J Jones, Swyddog Gweinyddol CYDAG, Ysgol Penweddig, Aberystwyth SY23 3QN erbyn dydd Gwener Mai 26ain 2006 fan bellaf.

Os byddwch am geisio am grant ar gyfer y cwrs gan Gyngor Addysgu Cyffredinol Cymru, ewch i safle’r wê CYDAG i gael ffurflen neu anfonwch at:
Cyngor Addysgu Cyffredinol Cymru, 4ydd Llawr Southgate House, Wood
St, Caerdydd CF10 1EW.

Rhaglen Cwrs Addysg Gorfforol Ysgol Gymraeg Pontardawe Mehefin 9fed 2006

9.15 – 3.00 Sesiwn 1 (9.15 – 10.45)
Cwricwlwm Gemau (gemau goresgyn, gemau taro a gemau rhwyd)
Datblygu sgiliau taflu, derbyn a theithio mewn Gemau o'r Derbyn i flwyddyn 6 (Dan 5, CA1, CA2)
• Cynhesu - Pam, faint, sut?
• Model gwers seiliedig ar sgiliau
• Model gwers seiliedig ar gemau
Beth yw'r datblygiadau? Pa wers sy'n addas i ba sefyllfa?
Beth yw'r pwyntiau pwysig o fewn y sgiliau? Beth yw'r sgiliau generic?
Adnoddau defnyddiol a sut i drefnu cystadleuaeth.

Sesiwn 2 – (11.15 – 12.15)
Cwricwlwm Nofio ac Athletau. Egwyddorion ac arfer dda wrth gyflwyno Nofio ac Athletau.
Nofio -
• Materion llesol Nofio
• Disgwyliadau y cwricwlwm
• Materion diogelwch - beth sydd angen eu cysidro?
• Materion hylendid
• Addysgu Nofio - trefn y wers, trefn y plant, cyfathrebu, y 4 brif strôc, sgiliau eraill.
Athletau -
• Rhedeg - faint, sut a beth yw'r drefn
• Taflu - beth, sut a beth yw'r drefn
• Neidio - sut a beth yw'r drefn
• Mabolgampau ysgol

Sesiwn 3 (1.00 – 1.45) - Gwers enghreifftiol Dawns CA2.

Sesiwn 4 (1.45- 2.30) Gymnasteg CA2.
• Ansawdd mewn gymnasteg
• Rolio, cyd-bwyso, neidio
• Y siapiau sylfaenol - datblygiadau ohonynt
• Arferion da - addysgu, trefniant, cario offer

Sesiwn gloi (2.30 – 3.00)
 

Cynhadledd Flynyddol CYDAG (Cynradd)

“Dewch i feddwl” – Datblygu Medrau Meddwl

Dydd Gwener Mai 19eg 2006 yng Ngwesty’r Metropole Llandrindod

Rhaglen

9.15 – 9.45           Cofrestru, coffi a chroesawu

9.45 – 11.00         Medrau Meddwl a Thangyflawnwyr
                            Toni Schiavone  Cyfarwyddwr Gweithredol Asiantaeth Sgiliau Sylfaenol

11.00 – 11.30       Coffi

11.30 -  12.45       Datblygu medrau meddwl yn yr ysgol
                            Ken Hughes Pennaeth ac aelod o staff Ysgol Eifion Wyn, Porthmadog

 12.45 – 1.00          Cyfarfod Blynyddol i aelodau CYDAG

 1.00 – 2.00            Cinio

 2.00 – 3.00            Rhesymeg Afresymol – Iaith a Dychymyg y Beirdd Bach
                              Anerchiad gan y Prifardd Ceri Wyn Jones

3.00 – 3.15            Cloi’r Gynhadledd

 Dymuna’r canlynol fynychu’r gynhadledd

 Enw/Enwau ac Ysgol………………………………………………………                            

Cost y gynhadledd fydd £75 i’r enw cyntaf o bob ysgol a £60 i’r gweddill

 Neilltuwyd nifer o ysatfelloedd aros ar gyfer cynadleddwyr, a bydd y flaenoriaeth i’r rhai oedd yn aros y llynedd oherwydd y trafferthion gafwyd. Cyntaf i’r felin fydd hi wedyn.

Nodwch eich dewis gyda tic a nodi’r nifer lle mae hynny’n berthnasol

Cynhadledd yn unig (enw cyntaf £75)…………………….

Cynhadledd yn unig (ail/trydydd enw £60) ………………………..

Cinio, gwely a brecwast ar y nos Iau(cost £81)…………….

Gwely a brecwast yn unig (£71)……………..

 Ticiwch os oeddych yn aros y llynedd………..

 Nid oes eisiau i neb dalu’n uniongyrchol i’r gwesty am y llety, byddwn yn eich bilio am y swm angenhreidiol (y gynhadledd a’r llety) ond bydd angen i chi dalu am bopeth ychwanegol.

 Dychweler at: Meinir J Jones, Swyddog Gweinyddol CYDAG  Ysgol Penweddig Aberystwyth Ceredigion SY23 3QN